രാജ്യത്ത് സാധാരണക്കാർക്ക് ഇടയില്‍ സമ്ബാദ്യ ശീലം വളർത്തുന്നതില്‍ പോസ്റ്റ് ഓഫീസും അതിന്റെ വിവിധ നിക്ഷേപ പദ്ധതികളും ചെലുത്തിയ സ്വാധീനം ചെറുതല്ല.
പ്രായഭേദമന്യേ ഏത് വരുമാനമുള്ള ആളുകള്‍ക്കും ആരംഭിക്കാൻ സാധിക്കുന്ന നിരവധി പദ്ധതികളാണ് പോസ്റ്റ് ഓഫീസ് രൂപകല്‍പ്പന ചെയ്ത് ആളുകളിലേക്ക് എത്തിച്ചിരിക്കുന്നത്. അതിലൂടെ വ്യത്യസ്ത ആവശ്യങ്ങള്‍ നിറവേറ്റാൻ നിക്ഷേപകർക്ക് ആവരുടെ സമ്ബാദ്യത്തിലൂടെ സാധിക്കുന്നു. അത്തരത്തില്‍ ദീർഘകാല നിക്ഷേപത്തില്‍ ഉറപ്പായ ഉയർന്ന റിട്ടേണ്‍സാണ് നിങ്ങള്‍ ലക്ഷ്യമിടുന്നതെങ്കില്‍ ഉറപ്പായും തിരഞ്ഞെടുക്കാൻ സാധിക്കുന്ന പോസ്റ്റ് ഓഫീസ് നിക്ഷേപ പദ്ധതിയാണ് കിസാൻ വികാസ് പത്ര അഥവ കെവിപി. കർഷകർക്ക് സാമ്ബത്തിക ഭദ്രത ഉറപ്പാക്കാൻ വേണ്ടി കേന്ദ്ര സർക്കാർ 1988ലാണ് പദ്ധതി അവതരിപ്പിക്കുന്നത്. പിന്നീട് ഏതൊരു ഇന്ത്യൻ പൗരനും നിക്ഷേപം നടത്താൻ പദ്ധതി തുറന്നു നല്‍കുകയായിരുന്നു.
നിലവില്‍ ഈ പദ്ധതിയില്‍ നിക്ഷേപകർക്ക് 7.5 ശതമാനം പലിശ ലഭിക്കുന്നു. കിസാൻ വികാസ് പത്രയില്‍ നിക്ഷേപിക്കുന്നവർക്ക് അവരുടെ നിക്ഷേപം ഇരട്ടിയാക്കാനും സാധിക്കുന്നവെന്നതാണ് എടുത്തുപറയേണ്ട മറ്റൊരു വസ്തുത. നിങ്ങളുടെ നിക്ഷേപം 115 മാസത്തിനുള്ളില്‍ അതായത് 9 വർഷം 7 മാസം കൊണ്ട് ഇരട്ടിയാക്കുമെന്ന് പോസ്റ്റ് ഓഫീസ് ഉറപ്പ് നല്‍കുന്നു. നിങ്ങള്‍ ഈ സ്കീമില്‍ 5 ലക്ഷം രൂപ നിക്ഷേപിച്ചാല്‍, 115 മാസത്തിന് ശേഷം അത് മെച്യുർ ആകുമ്ബോള്‍, നിങ്ങള്‍ക്ക് റിട്ടേണായി 10 ലക്ഷം രൂപ ലഭിക്കും.
വെറും 1000 രൂപ കൊണ്ട് കിസാൻ വികാസ് പത്രയില്‍ നിക്ഷേപം ആരംഭിക്കാം. പരമാവധി നിക്ഷേപ പരിധിയില്ല. എന്നാല്‍ നിങ്ങള്‍ 50,000 രൂപയില്‍ കൂടുതല്‍ നിക്ഷേപിക്കുകയാണെങ്കില്‍, നിങ്ങള്‍ പാൻ കാർഡ് നല്‍കേണ്ടത് നിർബന്ധമാണ്. കള്ളപ്പണം വെളുപ്പിക്കുന്നതിനുള്ള സാധ്യത തടയാനാണ് 2014-ല്‍ കിസാൻ വികാസ് പത്രയില്‍ 50,000-ത്തിലധികം നിക്ഷേപിക്കുന്നതിന് സർക്കാർ പാൻ കാർഡ് നിർബന്ധമാക്കി. മറുവശത്ത്, സാലറി സ്ലിപ്പ്, ഐടിആർ, ബാങ്ക് സ്റ്റേറ്റ്‌മെൻ്റുകള്‍, ആധാർ നമ്ബർ തുടങ്ങിയ ചില രേഖകള്‍ നിങ്ങള്‍ക്ക് 10 ലക്ഷവും അതില്‍ കൂടുതലും നിക്ഷേപിക്കണമെങ്കില്‍, നിങ്ങള്‍ നല്‍കേണ്ടി വന്നേക്കാം.
അധിക തുകയുള്ളവരും എന്നാല്‍ ആ പണം ഉപയോഗിച്ച്‌ റിസ്ക് എടുക്കാൻ ആഗ്രഹിക്കാത്തവരും സമീപഭാവിയില്‍ ഈ പണം ആവശ്യമില്ലാത്തവരുമായ ആളുകള്‍ക്ക്, കിസാൻ വികാസ് പത്ര ശരിയായ തിരഞ്ഞെടുപ്പായിരിക്കും. 18 വയസ്സിന് മുകളിലുള്ള ഏതൊരു മുതിർന്ന വ്യക്തിക്കും ഈ സ്കീമിന് കീഴില്‍ ഒറ്റ അല്ലെങ്കില്‍ ജോയിൻ്റ് അക്കൗണ്ട് തുറക്കാൻ കഴിയും. ഇതുകൂടാതെ, 10 വയസ്സിന് മുകളിലുള്ള ഒരു കുട്ടിക്ക് അവൻ്റെ പേരില്‍ കിസാൻ വികാസ് പത്ര എടുക്കാം. പ്രായപൂർത്തിയാകാത്ത ഒരാളുടെയോ മാനസികാവസ്ഥയില്ലാത്ത വ്യക്തിയുടെയോ പേരില്‍ രക്ഷാധികാരികള്‍ക്ക് അക്കൗണ്ട് തുറക്കാം. എൻആർഐകള്‍ക്ക് ഇതില്‍ നിക്ഷേപം നടത്താൻ സാധിക്കില്ല.
കെവിപി അക്കൗണ്ട് നിക്ഷേപിച്ച തീയതി മുതല്‍ 2 വർഷവും 6 മാസവും കഴിഞ്ഞ് അകാല പിൻവലിക്കല്‍ നടത്താം. എന്നിരുന്നാലും, ചില പ്രത്യേക സാഹചര്യങ്ങളില്‍ എപ്പോള്‍ വേണമെങ്കിലും പ്രീ-മെച്വർ ഡെപ്പോസിറ്റുകള്‍ നടത്താവുന്നതാണ്. കെവിപി ഉടമയുടെയോ ജോയിന്റ് അക്കൗണ്ടിൻ്റെയോ കാര്യത്തില്‍, ഒന്നോ അല്ലെങ്കില്‍ എല്ലാ അക്കൗണ്ട് ഉടമകളുടെയും മരണത്തില്‍, ഗസറ്റ് ഓഫീസറുടെ കാര്യത്തില്‍, കോടതിയുടെ ഉത്തരവനുസരിച്ച്‌ മോർട്ട്ഗേജ് വഴി പിടിച്ചെടുക്കല്‍ തുടങ്ങിയ സാഹചര്യങ്ങളില്‍.
