ബ്രിട്ടീഷ് അഭ്യന്തര സെക്രട്ടറി ജയിംസ് ക്ലെവര്‍ലി കുടിയേറ്റം കുറയ്‌ക്കുന്നതിനായി ഡിസംബറില്‍ പ്രഖ്യാപിച്ച ഫൈവ് പോയിന്റ് പ്ലാന്‍ പൂര്‍ണമായും നടപ്പായി.
നിയന്ത്രണങ്ങള്‍ ഭാഗികമായി ജനുവരി ഒന്നിന് നിലവില്‍ വന്നിരുന്നു. ഇത് പ്രകാരം വിദഗ്ധ തൊഴിലാളി വിസ ശമ്ബളപരിധി അന്‍പതു ശതമാനത്തോളം വര്‍ദ്ധിച്ചു. അതായത് 40 ലക്ഷത്തോളം രൂപ വാര്‍ഷിക ശമ്ബളം ഉള്ളവര്‍ക്കേ വിദഗ്ധ തൊഴിലാളി വിസ ലഭിക്കൂ.
കുടിയേറ്റ നിയന്ത്രണത്തിനൊപ്പം ബ്രിട്ടനിലെത്തുന്നവര്‍ക്ക് ജീവിത ചെലവു നേരിടുന്നതിനുള്ള തുക ഉറപ്പാക്കുകയുമാണ് ഫൈവ് പോയിന്റ് പ്ലാന്‍ കൊണ്ട് ലക്ഷ്യമിടുന്നതെന്ന് ആഭ്യന്തര സെക്രട്ടറിയുടെ ഓഫീസ് വ്യക്തമാക്കി. കഴിഞ്ഞ ഡിസംബര്‍ 4നാണ് കുടിയേറ്റം കുറയ്‌ക്കുന്നതിനുള്ള ‘അഞ്ച് പോയിന്റ് പ്ലാന്‍’ എന്ന് വിശേഷിപ്പിച്ച വിസ നിയമങ്ങളിലെ മാറ്റങ്ങള്‍ പ്രഖ്യാപിച്ചത്. ഡിസംബര്‍ 21ന് കൂടുതല്‍ വിവരങ്ങള്‍ പുറത്തുവിട്ടു.ഫെബ്രുവരി 19 നും മാര്‍ച്ച്‌ 14 നും പുറത്തിറക്കിയ ഇമിഗ്രേഷന്‍ നിയമങ്ങളിലെ രണ്ട് സെറ്റ് മാറ്റങ്ങള്‍ പ്രാബല്യത്തില്‍ വന്നു, ബാക്കിയുള്ളവയാണ് ഇന്നലെ നടപ്പായത്.
ഈ വര്‍ഷം നടപ്പായ മാറ്റങ്ങള്‍ :
സാമൂഹ്യ പരിപാലന പ്രവര്‍ത്തകര്‍ക്ക് (സോഷ്യല്‍ കെയര്‍) അവരുടെ വിസയില്‍ ആശ്രിതരെ (അതായത്, പങ്കാളികളെയും കുട്ടികളെയും) കൊണ്ടുവരാന്‍ ഇനി അനുവദിക്കില്ല.
സ്‌കില്‍ഡ് വര്‍ക്കര്‍ വിസയ്‌ക്ക് സ്പോണ്സര് ചെയ്യേണ്ട ഏറ്റവും കുറഞ്ഞ ശമ്ബളം വര്‍ദ്ധിച്ചുകൊണ്ടിരിക്കുകയാണ്, അടിസ്ഥാന മിനിമം 26,200 പൗണ്ടില്‍ നിന്ന് 38,700 പൗണ്ട് ആയി ഉയരുന്നു.
പങ്കാളി വിസയ്‌ക്കായി ആരെയെങ്കിലും സ്പോണ്സര് ചെയ്യുന്നതിന് സാധാരണയായി ആവശ്യമായ ഏറ്റവും കുറഞ്ഞ വരുമാനം പ്രതിവര്‍ഷം 18,600 പൗണ്ടില്‍ നിന്ന് 29,000 ആയും ആത്യന്തികമായി ഏകദേശം 38,700 പൗണ്ട് ആയും ഉയര്‍ന്നു. മാര്‍ച്ച്‌ 11 മുതല്‍ അടുത്ത കുടുംബത്തെ കൊണ്ടുവരുന്നതിന് കെയര്‍ വര്‍ക്കർമാർക്ക് നിരോധനം.
ഗ്രാജ്വേറ്റ് വിസയുടെ അവലോകനം ആരംഭിച്ചിട്ടുണ്ട്. ആഭ്യന്തര സെക്രട്ടറി 2024 മെയ് 14-നകം റിപ്പോര്‍ട്ട് ആവശ്യപ്പെട്ടിരിക്കയാണ്.മാറ്റങ്ങള്‍ അംഗീകരിക്കാനോ നിരസിക്കാനോ ഭേദഗതി ചെയ്യാനോ എംപിമാര്‍ വോട്ട് ചെയ്യുമോ എന്നാണിനി അറിയാനുള്ളത്. അതിന്സാധ്യതയില്ല എന്നാണ് നിരീക്ഷണം.ആദ്യമായി അപേക്ഷിക്കുന്നവര്‍ക്ക് മാത്രമാണ് പുതിയ നിബന്ധനകള്‍ ബാധകമാവുക എന്നാണ് അറിയുന്നത്.
വിസ വിപുലീകരണത്തിന് ഉയര്‍ന്ന പരിധി ബാധകമാകുമെന്ന് സര്‍ക്കാര്‍ വക്താവ് ആദ്യം പറഞ്ഞെങ്കിലും പിന്നീട് അത് ബാധകമല്ലെന്ന് ഹോം ഓഫീസ് അറിയിച്ചു .യുകെക്ക് പുറത്ത് നിന്ന് പ്രാരംഭ വിസയ്‌ക്ക് അപേക്ഷിക്കുമ്ബോള്‍, സ്‌പോണ്‍സറുടെ വരുമാനം മാത്രമേ മിനിമം വരുമാന പരിധിയിലേക്ക് കണക്കാക്കാന്‍ കഴിയൂ. വിപുലീകരണങ്ങള്‍ക്കും സ്ഥിര താമസത്തിനും, രണ്ട് വരുമാനവും കണക്കാക്കുന്നു. കഴിഞ്ഞ ആറ് മാസമായി ആ വരുമാനം നേടിയതിന്റെ തെളിവുകള്‍ സാധാരണയായി ആളുകള്‍ നല്‍കേണ്ടതുണ്ട് .
