സിബില്‍ സ്കോറിനെ കുറിച്ച്‌ അറിയാത്തവർ ഇന്ന് കുറവാണ്. ഒരു ഹോം ലോണ്‍, കാർ ലോണ്‍ അല്ലെങ്കില്‍ മറ്റേതെങ്കിലും ലോണ്‍ എടുക്കാൻ പ്ലാനുണ്ടെങ്കില്‍ നല്ല സിബില്‍ സ്കോർ ഉണ്ടായിരിക്കേണ്ടത് അനിവാര്യമാണ്.എന്നാല്‍ എങ്ങനെ സിബില്‍ സ്കോർ പരിശോധിക്കണമെന്ന് അറിയാമോ? പലരും വായ്പ എടുക്കാൻ നേരത്താണ് സിബില്‍ സ്കോർ പരിശോധിക്കാൻ തയ്യാറാകുന്നത്. സിബില്‍ ഇടയ്ക്കിടക്ക് പരിശോധിച്ചാല്‍, മുന്നോട്ടുള്ള സാമ്ബത്തിക കാര്യങ്ങള്‍ എങ്ങനെ കൈകാര്യം ചെയ്യണം എന്നതിനെ കുറിച്ച്‌ ധാരണ ഉണ്ടാകും.
ഗൂഗിള്‍ പേ വഴി ഈസിയായി സിബില്‍ സ്കോർ പരിശോധിക്കാൻ കഴിയും. ഇത് തീർത്തും സൗജന്യമായി തന്നെ ചെയ്യാവുന്നതാണ്. ഗൂഗിള്‍ പേയില്‍ സിബില്‍ സ്കോർ കാണിക്കുക മാത്രമല്ല, നിശ്ചിത മാസവും വർഷവും ഉള്‍പ്പെടെ, കാലതാമസം നേരിടുന്ന പേയ്‌മെൻ്റുകളുടെ വിശദാംശങ്ങളും നല്‍കുന്നു.
ഗൂഗിളിന്റെ റിപ്പോർട്ട് അനുസരിച്ച്‌, സിബില്‍ സ്കോർ പരിശോധിക്കാനുള്ള ഫീച്ചർ ആരംഭിച്ചതു ശേഷം 5 കോടിയിലധികം ഇന്ത്യക്കാർ ഇത് ഉപയോഗിച്ച്‌ എന്നാണ്.
ഗൂഗിള്‍ പേ വഴി സിബില്‍ സ്കോർ എങ്ങനെ പരിശോധിക്കാം.
–ഗൂഗിള്‍ പേ ആപ്പ് തുറക്കുക
–സിബില്‍ സ്കോർ വിഭാഗത്തിലേക്ക് പോകാൻ, ഹോംപേജില്‍, “മാനേജ് യുവർ മണി” എന്ന വിഭാഗത്തിലേക്ക് പോകുക. “നിങ്ങളുടെ സിബില്‍ സ്കോർ സൗജന്യമായി പരിശോധിക്കുക” () എന്ന് പറയുന്ന ഓപ്ഷനില്‍ ക്ലിക്ക് ചെയ്യുക.
–സ്ക്രീൻ കാണുന്ന നിർദ്ദേശങ്ങള്‍ പാലിക്കുക. ആദ്യമായി സ്കോർ പരിശോധിക്കുകയാണെങ്കില്‍, കുറച്ച്‌ വിശദാംശങ്ങള്‍ നല്‍കേണ്ടതുണ്ട്. നിങ്ങളുടെ പാൻകാർഡില്‍ നല്‍കിയിരിക്കുന്ന പേര്, നിങ്ങളുടെ സാമ്ബത്തിക അക്കൗണ്ടുകളുമായി ബന്ധിപ്പിച്ചിട്ടുള്ള ഫോണ്‍ നമ്ബർ, ഇമെയില്‍ ഐഡി, പാൻ കാർഡ് നമ്ബർ എന്നിവ നല്‍കുക .
–ആവശ്യമായ വിവരങ്ങള്‍ നല്‍കിക്കഴിഞ്ഞാല്‍, ഗൂഗിള്‍ പേ നിങ്ങളുടെ സിബില്‍ സ്‌കോറും ക്രെഡിറ്റ് റിപ്പോർട്ടും സ്‌ക്രീനില്‍ തന്നെ ഉടനെ കാണിക്കും.
