ആർട്ടിഫിഷ്യല്‍ ഇൻ്റലിജൻസ് ഇന്ന് എല്ലാ മേഖലകളിലും ഉപയോഗിക്കുന്ന അത്യാധുനിക സാങ്കേതികവിദ്യകളിലൊന്നാണ്. ജോലികള്‍ ലഘൂകരിച്ച്‌ കൊണ്ട് ബിസിനസുകളില്‍ എഐ വിപ്ലവം സൃഷ്ടിക്കുന്നു.നമ്മുടെ രാജ്യത്ത് എഐ വ്യവസായം അതിവേഗം വികസിച്ചുകൊണ്ടിരിക്കുകയാണ്. ആരോഗ്യ സംരക്ഷണം, ധനകാര്യം മുതല്‍ റീട്ടെയില്‍, നിർമ്മാണം വരെയുള്ള വിവിധ ആവശ്യങ്ങള്‍ക്കായി നിരവധി കമ്ബനികള്‍ സാങ്കേതികവിദ്യ പ്രയോജനപ്പെടുത്തുന്നു.എഐ മേഖലയില്‍ മുൻനിര കമ്ബനികള്‍ ഏതൊക്കെയാണെന്ന് നമുക്ക് പരിശോധിക്കാം. ഈ കമ്ബനികളെ നിരീക്ഷിക്കുകയും അവരുടെ പ്രവർത്തനങ്ങള്‍ മനസിലാക്കുകയും ചെയ്താല്‍ ഓഹരി വിപണിയിലൂടെ നേട്ടമുണ്ടാക്കാൻ നിക്ഷേപകർക്കും സാധിക്കും.
1. അഫ്ലെ ഇന്ത്യ
മൊബൈല്‍ പരസ്യങ്ങളിലൂടെ ഉപഭോക്തൃ ഇടപെടല്‍, ഇടപാടുകള്‍ എന്നിവ നല്‍കുന്ന ഉപഭോക്തൃ ഇൻ്റലിജൻസ് പ്ലാറ്റ്‌ഫോമുള്ള ഒരു ആഗോള സാങ്കേതിക കമ്ബനിയാണ് അഫ്ലെ ഇന്ത്യ. പ്രധാനമായും കമ്ബനി രണ്ട് സേവനങ്ങള്‍ വാഗ്ദാനം ചെയ്യുന്നു.ഉപഭോക്തൃ പ്ലാറ്റ്ഫോം സേവനങ്ങളും എൻ്റർപ്രൈസ് പ്ലാറ്റ്ഫോം സേവനങ്ങളും.ലോകമെമ്ബാടും ആഫിളിന് അന്താരാഷ്ട്ര സാന്നിധ്യമുണ്ട്. കമ്ബനിയുടെ വില്‍പ്പനയുടെ 65% കയറ്റുമതിയില്‍ നിന്നും ബാക്കി 35% ആഭ്യന്തര വിപണിയില്‍ നിന്നുമാണ് ലഭിക്കുന്നത്.
ഓഹരി വിപണിയിലെ പ്രകടനം
എൻഎസ്‌ഇയില്‍ 1,622 രൂപ എന്നതാണ് നിലവില്‍ ഓഹരിയുടെ വില. കഴിഞ്ഞ ഒരു മാസത്തിനിടെ 13.07 ശതമാനം വളർച്ച കൈവരിക്കാൻ ഓഹരിക്ക് സാധിച്ചു. 22.81 ശതമാനമാണ് 2024-ല്‍ ഇതുവരെ ഓഹരി നേടിയ മുന്നേറ്റം. കഴിഞ്ഞ ഒരു വർഷത്തിനിടെ 50 ശതമാനം മുന്നേറ്റമുണ്ടാക്കാനും ഓഹരിക്ക് സാധിച്ചു.
2. ഒറാക്കിള്‍ ഫിനാൻഷ്യല്‍ സർവീസസ് സോഫ്റ്റ്വെയർ
ധനകാര്യ മേഖലയിലേക്ക് ആവശ്യമായ ഐടി സേവനങ്ങള്‍ നല്‍കുന്ന അമേരിക്കൻ ബഹുരാഷ്ട്ര കമ്ബനിയായ ഒറാക്കിള്‍ കോർപറേഷന്റെ ഉപകമ്ബനിയാണ് ഒറാക്കിള്‍ ഫിനാൻഷ്യല്‍ സർവീസസ് സോഫ്റ്റ്വെയർ ലിമിറ്റഡ്. കമ്ബനിക്ക് വൈവിധ്യമാർന്ന വരുമാന അടിത്തറയുണ്ട്.കമ്ബനിയുടെ മാതൃസ്ഥാപനമായ ഒറാക്കിള്‍ കോർപ്പറേഷൻ ചാറ്റ് ജിപിടിയുടെ സ്രഷ്ടാവായ ഓപ്പണ്‍ എഐ-യുമായി ഒരു തന്ത്രപരമായ പങ്കാളിത്തം വെളിപ്പെടുത്തി. ഈ സഹകരണം കമ്ബനിയുടെ ക്ലൗഡ് ഇൻഫ്രാസ്ട്രക്ചർ ഓഫറുകള്‍ വിപുലീകരിക്കാനും ഉപഭോക്താക്കള്‍ക്കുള്ള സേവന ശേഷി വർദ്ധിപ്പിക്കാനും ലക്ഷ്യമിടുന്നു.
ഓഹരി വിപണിയിലെ പ്രകടനം
എൻഎസ്‌ഇയില്‍ 11,466 രൂപ എന്നതാണ് നിലവില്‍ ഓഹരിയുടെ വില. ആറ് മാസത്തിനിടെ 47.39 ശതമാനം വളർച്ച കൈവരിക്കാൻ ഓഹരിക്ക് സാധിച്ചു. 177 ശതമാനം വളർച്ചയാണ് ഒരു വർഷത്തിനിടെ ഓഹരി നേടിയത്.
3. പെർസിസ്റ്റൻ്റ് സിസ്റ്റംസ്
കമ്ബനികള്‍ അവരുടെ ബിസിനസുകള്‍ നടപ്പിലാക്കുന്നതിനും നവീകരിക്കുന്നതിനും സഹായിക്കുന്നതിന് പെർസിസ്റ്റൻ്റ് സിസ്റ്റംസ് സോഫ്റ്റ്വെയർ എഞ്ചിനീയറിംഗ്, സ്ട്രാറ്റജി സേവനങ്ങള്‍ നല്‍കുന്നു. സെയില്‍സ്ഫോഴ്സ്, ആമസോണ്‍ വെബ് സേവനങ്ങള്‍ തുടങ്ങിയ സേവന ദാതാക്കളുമായി കമ്ബനിക്ക് പങ്കാളിത്തമുണ്ട്.2020 മുതല്‍ അതിവേഗം വളരുന്ന ഐടി സേവന ദാദാവാണ് പെർസിസ്റ്റൻ്റ് സിസ്റ്റംസ്. ഇന്ത്യ, ഓസ്‌ട്രേലിയ, കാനഡ, ജർമ്മനി, ജപ്പാൻ എന്നിവയുള്‍പ്പെടെ ലോകമെമ്ബാടുമുള്ള 21-ലധികം രാജ്യങ്ങളില്‍ പെർസിസ്റ്റൻ്റിന് ആഗോള സാന്നിധ്യമുണ്ട്.
ഓഹരി വിപണിയിലെ പ്രകടനം
എൻഎസ്‌ഇയില്‍ 5,291 രൂപ എന്നതാണ് നിലവിലെ ഓഹരി വില. കഴിഞ്ഞ ഒരു മാസത്തിനിടെ 16.39 ശതമാനം വളർച്ച നേടാൻ ഓഹരിക്ക് സാധിച്ചു. 24.66 ശതമാനമാണ് ആറ് മാസത്തെ മുന്നേറ്റം. 82.62 ശതമാനം വളർച്ചയാണ് കഴിഞ്ഞ ഒരു വർഷത്തിനിടെ ഓഹരി നേടിയത്.
അറിയിപ്പ്:മുകളില്‍ കൊടുത്തിരിക്കുന്ന ലേഖനം പഠനാവശ്യത്തിന് നല്‍കുന്നതാണ്. ഇതുമായി ബന്ധപ്പെട്ട് നിക്ഷേപ തീരുമാനങ്ങള്‍ എടുക്കും മുന്‍പ് സാമ്ബത്തിക വിദഗ്ധന്റെ നിര്‍ദേശം തേടാം. ഓഹരി വിപണിയിലെ നിക്ഷേപം നഷ്ട സാധ്യതകള്‍ക്ക് വിധേയമാണ്. സ്വന്തം റിസ്‌കില്‍ മാത്രം നിക്ഷേപ തീരുമാനം കൈക്കൊള്ളുക. ലേഖനം വായിച്ചിട്ട് എടുക്കുന്ന തീരുമാനത്തിന്റെ അടിസ്ഥാനത്തില്‍ സംഭവിക്കുന്ന ലാഭനഷ്ടങ്ങള്‍ക്ക് ഇന്ത്യ ലേറ്റസ്റ്റ് പോർട്ടലോ ലേഖകനോ ഉത്തരവാദികൾ ആയിരിക്കില്ല.
