വമ്ബൻ വാഗ്ദാനങ്ങളുമായി സിപിഎം പ്രകടനപത്രിക. ഇന്ധന വില കുറയ്ക്കും, വിലക്കയറ്റം നിയന്ത്രിക്കും, സിഎഎ റദ്ദാക്കും, കേന്ദ്ര നികുതിയില്‍ 50 ശതമാനം സംസ്ഥാനങ്ങള്‍ക്ക് നല്‍കുമെന്നാണ് സിപിഎമ്മിന്റെ പ്രധാന വാഗ്ദാനം.
സിപിഎം ജനറല്‍ സെക്രട്ടറി സീതാറാം യെച്ചൂരിയും പിബി അംഗങ്ങളും ചേ‌ർന്നാണ് പ്രകടനപത്രിക പ്രകാശനം ചെയ്‌തത്.
വാഗ്ദാനങ്ങള്‍:
സംസ്ഥാന ചെലവില്‍ ഗവര്‍ണര്‍ കേന്ദ്ര നയങ്ങള്‍ അടിച്ചേല്‍പ്പിക്കാനുള്ള നീക്കം തടയും.
ജിഡിപിയില്‍ ആറ് ശതമാനം വിദ്യാഭ്യാസത്തിന് നീക്കിവയ്‌ക്കും.
സംസ്ഥാനങ്ങളുടെ ഫെഡറല്‍ അവകാശങ്ങള്‍ പുനഃസ്ഥാപിക്കും.
സര്‍ക്കാര്‍ മേഖലയിലേതിന് സമാനമായ രീതിയില്‍ സ്വകാര്യ രംഗത്തും സംവരണം ഏർപ്പെടുത്തും.
ജാതി സെൻസസ് നടപ്പാക്കും.
തിരഞ്ഞെടുപ്പില്‍ പാർട്ടികള്‍ക്ക് സർക്കാർ ഫണ്ട് ഉള്‍പ്പെടുത്തും.
കോർപ്പറേറ്റ് സംഭാവന നിരോധിക്കും.
വിദ്വേഷ കുറ്റകൃത്യങ്ങള്‍ക്ക് നിയമം കൊണ്ടുവരും.
യുഎപിഎയും കള്ളപ്പണ നിരോധന നിയമവും കിരാതമാണ്.
ബിജെപിയെയും എൻഡിഎ സഖ്യകക്ഷികളെയും തോല്‍പിക്കാൻ ആഹ്വാനം ചെയ്യും.
സിപിഎമ്മിന്റെയും ഇടതുപക്ഷത്തിന്റെയും ശക്തി വർദ്ധിപ്പിക്കും.
കേന്ദ്രത്തില്‍ മതേതര സർക്കാരിനെ കൊണ്ടുവരും.
തൊഴിലുറപ്പ് കൂലി ഇരട്ടിയാക്കും.
ജമ്മു കാശ്‌മീരിന്റെ സംസ്ഥാനപദവി തിരികെനല്‍കി തിരഞ്ഞെടുപ്പ് നടത്തും.
