അദാനി ഗ്രൂപ്പിന്‍റെ ഭാഗമായ നിരവധി ഓഹരികള്‍ വിപണിയിലുണ്ട്. അവയില്‍ പലതും മള്‍ട്ടിബാഗർ റിട്ടേണ്‍ നല്‍കിയവയാണ്.എന്നാല്‍ കഴിഞ്ഞ ഒരു മാസത്തിനിടെ 8.36 ശതമാനം ഇടിഞ്ഞ ഒരു അദാനി ഓഹരി വരും ദിവസങ്ങളില്‍ കുതിച്ച്‌ ഉയരുമെന്നാണ് യുഎസ് ആസ്ഥാനമായുള്ള ബ്രോക്കറേജ് സ്ഥാപനം കാൻ്റർ ഫിറ്റ്‌സ്‌ജെറാള്‍ഡ് പറയുന്നത്. ഏതാണ് ആ ഓഹരി എന്നാണോ, മറ്റാരുമല്ല അദാനി എനർജി സൊല്യൂഷൻസ്. ഓഹരിയുടെ കൂടുതല്‍ വിശദാംശങ്ങള്‍ നമുക്ക് പരിശോധിക്കാം.
അദാനി എനർജി സൊല്യൂഷൻസ്
പവര്‍ ട്രാന്‍സ്മിഷന്‍, ഡിസ്ട്രിബ്യൂഷന്‍, സ്മാര്‍ട്ട് മീറ്ററിംഗ്, കൂളിംഗ് സൊല്യൂഷന്‍സ് എന്നിങ്ങനെ എനര്‍ജി ഡൊമെയ്നിന്റെ വിവിധ മേഖലകളില്‍ സാന്നിധ്യമുള്ള ഒരു ബഹുമുഖ സ്ഥാപനം. ഇന്ത്യയിലെ ഏറ്റവും വലിയ പ്രൈവറ്റ് ട്രാന്‍സ്മിഷന്‍ ആന്‍ഡ് ഡിസ്ട്രിബ്യൂഷന്‍ കമ്ബനിയാണ്.
ഓഹരി വില
എൻഎസ്‌ഇയില്‍ 2.96 ശതമാനം നേട്ടത്തോടെ 1008 രൂപ എന്ന നിലയിലാണ് വെള്ളിയാഴ്ച അദാനി എനർജി സൊല്യൂഷൻസ് ഓഹരി വ്യാപാരം അവസാനിപ്പിച്ചത്. കഴിഞ്ഞ അഞ്ച് ദിവസത്തിനിടെ 1.04 ശതമാനം വളർച്ച നേടാൻ ഓഹരിക്ക് സാധിച്ചു. അതേസമയം ഒരു മാസത്തിനിടെ 8.36 ശതമാനം നഷ്ടം ഓഹരി നേരിട്ടു. 4.46 ശതമാനം നഷ്ടമാണ് 2024-ല്‍ ഇതുവരെ ഓഹരി നേരിട്ടത്.കഴിഞ്ഞ ഒരു വർഷത്തിനിടെ 17.87 ശതമാനം മുന്നേറ്റമുണ്ടാക്കാൻ ഓഹരിക്ക് സാധിച്ചിട്ടുണ്ട്.1348 രൂപയാണ് 52 ആഴ്ചയിലെ ഏറ്റവും ഉയർന്ന ഓഹരി വില. 686 രൂപയാണ് 52 ആഴ്ചയിലെ ഏറ്റവും താഴ്ന്ന ഓഹരി വില.
ബ്രോക്കറേജ് വിലയിരുത്തല്‍
ബ്രോക്കറേജ് സ്ഥാപനമായ കാൻ്റർ, അദാനി എനർജി സൊല്യൂഷൻസ് ഓഹരി വരും ദിവസങ്ങളില്‍ വലിയ കുതിപ്പ് നടത്തുമെന്നാണ് വിലയിരുത്തുന്നത്. അദാനി എനർജി സൊല്യൂഷൻസ് (എഇഎസ്‌എല്‍) ട്രാൻസ്മിഷൻ അസറ്റുകള്‍, ഡിസ്ട്രിബ്യൂഷൻ അസറ്റുകള്‍, സ്മാർട്ട് മീറ്ററിംഗ് ബിസിനസ്സ് എന്നിവയുള്‍പ്പെടെ വൈവിധ്യമാർന്ന പോർട്ട്‌ഫോളിയോ ഉണ്ട്. ഏകദേശം 18.5 ബില്യണ്‍ ഡോളറിൻ്റെ എൻ്റർപ്രൈസ് മൂല്യമുള്ള, ഇന്ത്യയുടെ അതിവേഗം വികസിച്ചുകൊണ്ടിരിക്കുന്ന ഊർജ്ജ വിപണികളില്‍ നിന്നും നേട്ടമുണ്ടാക്കാൻ അദാനി കമ്ബനിക്ക് സാധിക്കുമെന്നാണ് ബ്രോക്കറേജ് വിലയിരുത്തുന്നത്.
പൂർത്തിയാവുക 9 പ്രോജക്‌റ്റുകള്‍
അടുത്ത 18-24 മാസത്തിനുള്ളില്‍ അടുത്ത കാലത്ത് ലഭിച്ച ഒമ്ബത് പ്രോജക്‌റ്റുകള്‍ പൂർത്തീകരിക്കുന്നതില്‍ നിന്ന് ട്രാൻസ്മിഷൻ സെഗ്‌മെൻ്റിന് പ്രയോജനം ലഭിക്കും, കൂടുതല്‍ കരാർ വിജയങ്ങള്‍ പ്രതീക്ഷിക്കുന്നു. വിതരണ ബിസിനസ്സ് ഏകദേശം ഇരട്ട അക്ക നിരക്കില്‍ വളരുമെന്ന് പ്രതീക്ഷിക്കുന്നു, കൂടാതെ സ്മാർട്ട് മീറ്ററിംഗ് ഡിവിഷൻ അതിൻ്റെ ബാക്ക്ലോഗ് 22.8 ദശലക്ഷം സ്മാർട്ട് മീറ്ററുകളില്‍ നിന്ന് ഗണ്യമായ വരുമാനം സൃഷ്ടിക്കാൻ ഒരുങ്ങുകയാണെന്നും ബ്രോക്കറേജ് വ്യക്തമാക്കി.
ടാർഗെറ്റ് വില
ബ്രോക്കറേജ് സ്ഥാപനം അദാനി എനർജി സൊല്യൂഷൻസ് ഓഹരിയില്‍ ‘ഓവർ വെയ്‌റ്റ്’ ശുപാർശയും 2251 രൂപ ടാർഗെറ്റ് വിലയും നിശ്ചയിച്ച്‌ കവറേജ് ആരംഭിച്ചിട്ടുണ്ട്. ടാർഗെറ്റ് വില നിലവിലെ വിപണി വിലയില്‍ നിന്നും ഏകദേശം 120 ശതമാനം വളർച്ചയെ സൂചിപ്പിക്കുന്നു.
അപകടസാധ്യതകളും വെല്ലുവിളികളും
സ്വകാര്യ മേഖലയുടെ വികസനത്തെയും പുതിയ കരാറുകള്‍ക്കായുള്ള മത്സരത്തെയും ബാധിച്ചേക്കാവുന്ന രാഷ്ട്രീയ മാറ്റങ്ങള്‍ ഉള്‍പ്പെടെയുള്ള അപകടസാധ്യതകളെ അദാനി എനർജി സൊല്യൂഷൻസ് അഭിമുഖീകരിക്കുന്നു. അധിക സ്മാർട്ട് മീറ്റർ കരാറുകള്‍ സുരക്ഷിതമാക്കാനുള്ള കഴിവില്ലായ്മയും USD-ഡിനോമിനേറ്റഡ് കടവുമായി ബന്ധപ്പെട്ട വിദേശ വിനിമയ അപകടസാധ്യതകളും പ്രത്യേക വെല്ലുവിളികളില്‍ ഉള്‍പ്പെടുന്നു.
അറിയിപ്പ്:മുകളില്‍ കൊടുത്തിരിക്കുന്ന ലേഖനം പഠനാവശ്യത്തിന് നല്‍കുന്നതാണ്. ഇതുമായി ബന്ധപ്പെട്ട് നിക്ഷേപ തീരുമാനങ്ങള്‍ എടുക്കും മുന്‍പ് സാമ്ബത്തിക വിദഗ്ധന്റെ നിര്‍ദേശം തേടാം. ഓഹരി വിപണിയിലെ നിക്ഷേപം നഷ്ട സാധ്യതകള്‍ക്ക് വിധേയമാണ്. സ്വന്തം റിസ്‌കില്‍ മാത്രം നിക്ഷേപ തീരുമാനം കൈക്കൊള്ളുക. ലേഖനം വായിച്ചിട്ട് എടുക്കുന്ന തീരുമാനത്തിന്റെ അടിസ്ഥാനത്തില്‍ സംഭവിക്കുന്ന ലാഭനഷ്ടങ്ങള്‍ക്ക് ഇന്ത്യ ലേറ്റസ്റ്റ് പോർട്ടലോ ലേഖകനോ ഉത്തരവാദികൾ ആയിരിക്കില്ല.
